BATU ENBATARA

Dantzaren gramatikaren inguruko oharrak

Dantzaren gramatikaren inguruko oharrak" eskuliburuak dantzaren ikuspegi anitzak uztartzen ditu arte eszenikoen, pedagogiaren eta ikerketaren arteko gurutzagunean. Dantza sistema kapitalista, digital eta alfabetizatuan nola ulertzen den aztertzeaz gain, bere presentzia aurreindustriala eta mundu magiko eta sistema agrafoaren garrantzia ere jorratzen da.

Ikerketa artistiko eta akademiko performatiboaren bidez, dantza ekosistemen kartografia kritikoa eskaintzen du liburuak, eta irakurlea gorputzaren jakintza modu berrietan ikertzera eta pentsatzera gonbidatzen du.

Eskatu zurea

39€

ENBATAk euskal eszena tradizioanalaren esentzia eta sormena egiteko ateak zabalik ditu! Gurekin kolaboratu nahi duzu edo proiekturen batean lagun ahal bazaitugu, kontakta gaitzazu.

Aldizkari biziaren formatua proposatzen da. Emanaldia 3-5 minutuko pieza laburrek osatuko dute, bakoitzaren artean tarte bat utziz, ikusleek, tabernan daudenek bezala, atseden hartzeko aukera izan dezaten. Showaren gidari edo aurkezle batek gidatuko du saioa, eta pieza laburrak egiten dituzten gonbidatuak aurkeztuko ditu, estilo arin eta dibertigarrian.

Late show-en modura, zuzeneko musika ezinbestekoa izango da, atmosferari bizitasuna emateko. Pieza bakoitza arketipo gonbidatuen bidez eszenaratuko da, eta hauek albiste edo aktualitateko gaien inguruko satira egingo dute. Emanaldia denek partehartzeko dantza tradizional batzuen bidez

amaituko dira, eszenari ukitu dinamikoa eta bizia emanez, ikus-entzuleak erritmo eta

satiraren artean murgilduz.

Aldizkari bizia babestu eta jaso nahi baduzu bidali mezua enbata@enbatabadator.eus

Ikasle eta irakasleei eraikitzen gabiltza euskal dantza garaikidearen esperientziak eskaintzen ditugu. Aisiaz haratago goaz, euskal kultu dantzatu garaikidearen eta tradizioaren inguruko ikuspegi sakon eta dinamikoa aurkeztuz.

1- Hezkuntza-materialak eta tailerrak: ENBATA-k euskal dantza, antzerki fisikoa eta folklorearekin lotutako hezkuntza-materialak eskaintzen ditu, historia eta tradizioak garaikidetasunarekin lotuz. Tailerren bidez, ikasleek eta irakasleek arte eszenikoen teknika eta gai sozialak lantzeko aukera izango dute.

2- Sormen-laborategiak zentruetan eszenaratzeak egiteko: Irakasleek eta ikasleek parte har dezakete ENBATAko sormen-laborategietan, non dantza eta antzerki fisikoaren bidez adierazpen artistikoa eta pentsamendu kritikoa sustatzen diren. Honela zentruan pasuko erritu garaikideak egiteko balibideak eskaintzen dira.

3-Jaialdirako sarrerak: ENBATAk ikasle eta irakasleei jaialdira eta emanaldi berezietara sartzeko aukera eskainiko die, non euskal dantza garaikidearen eta antzerki fisikoaren bidez eszenaratze interaktibo eta parte-hartzaileak biziko dituzten.

4- Kulturari eta sormenari buruzko eztabaida-guneak: Ikasle eta irakasleek euskal

kultura garaikidearen inguruan eztabaidatzeko eta hausnartzeko espazioak

izango dira, hitzaldi eta mahai inguru formatuan. Bertan gaurkotasuneko gaiak

eta euskal kulturaren erronkak lantzeko.

Gure esposaketa bizien proiektua aldizkari bizia eta laborategi eszenikoak uztartzen dituen ekimen berritzailea da. Europako hartzen, zaldiaren eta bestelako folkloreko pertsonaiak, modu interaktiboan eta ikuspegi modernoan aurkezteko helburua dugu.

Gure esposaketek tradizioaren eta gaurkotasunaren arteko elkarrizketa sakontzen dute, antzerki fisikoaren eta dantza garaikidearen bidez. Bisitariek sormenezko esperientzia bat biziko dute, folkloreko pertsonaiak gorputzean oinarrituz eta kulturaren aldaketa eta bilakaera aztertu.

Enbata Urraska izeneko hitzaldi performatiboa eskaintzen dugu: Hitzaldi performatiboa: Zer irakats diezagukete euskal fokloreko pertsonaiek eta dantzek gaur egunaz?

Hitzaldi honetan, euskal folkloreko pertsonaiak eta haien rol dramatiko eta eszenikoak aztertuko dira, neguko dantza zikloko pertsonaien funtzio sozial eta kulturala gaur egunera ekarriz. PowerPoint aurkezpenaren ordez, zuzenean txertatutako dantza erabiliko da ideiak azaltzeko, hitzaldia eta dantza uztartuz. Pertsonaia bakoitzaren funtzio tradizionala gorputzaren bidez irudikatuko da, iragana eta orainaren arteko zubia eraikiz. Hitzaldiak ikusleak inauteri garaikidean murgilduko ditu, euskal herriaren irudikapen garaikidea sortuz. Hitzaldi performatibo honetan, ikusleek neguko dantza ziklo bat sortzeko tresnak jasoko dituzte.

Hitzaldia Beñat Urrutia Pujanak gidatuko du [Dantzertiko (Euskadiko dantza eta arte

dramatikoko goi mailako eskola) Teoria eta Historia departamentuko irakaslea,

UNEDeko Euskal Dantzak Atzo eta Gaur ikastaroko irakaslea, eta Euskal Herriko

Unibertsitatean euskal dantzen bilakaerari buruzko tesia egiten ari dena] eta Enbata

dantza konpainiak emango dio bizia dantza bidez.

Dantza emanaldi inbertsibo bat egingo dugu, non ikusleek ez baitute soilik ikusi behar, baizik eta dantzariak sortzen duten mugimenduaren parte izateko aukera izango dute, bakoitzak nahi duen neurrian. Emanaldi guztian zehar, euskal inauteri garaikide bat sortzen da, azalpenak eta dantzak uztartuz. Euskal folkloreko pertsonaiak atzo eta gaur nor diren azalduko dugu, eta egungo herri funtzionamenduan berriz jarriz gorpuztuko ditugu. Gaur egunean zer kontatuko liguketen esploratuko dugu inauteri performatibo honetan. Heldu zaizkigun neguko foklore eszenikoa ulertu eta egungo neguan gorpuztuko dugu antzerki, dantza, testu eta zuzeneko musikaren bidez.

Eszena satiriko eta umoretsuen laburrez eratuta dago, pertsonaiek gaur egungo komunitateetan nola jokatu ikusiko da, ikusgai eta umoretsua izateko aukera emanez. Tradiziozko pertsonaien azalpenen hitzaldi dramatizatuaren eta dantza emanaldiaren arteko uztarketa da, esperientzia eta emanaldi batzen dituen irudi bat sortuz. Horrela, ikusleekin interakzioa sortuz, inauteri garaikide bat eraikiko dugu emanaldi egiten den areto barruan, eszenan murgiltzeko aukera emanez.

Hartzak, beharginek, inauteriteko erregeak eta bestelako pertsonaiek hartuko dute parte,

bakoitzaren izatea azaltzeaz gain, lehen betetzen zuten funtzioa gaur egunarekin duen

lotura irudikatuz. Helburua da euskal folklorearen neguko zikloan eta dantzaren bidez

egungo kultura eszenikoaren egoera modu fresko eta parte-hartzailean aurkeztea.

EGUTEGIA